នឹកស្រី
ក្តារខៀនដែលអូនធ្លាប់សរសេរ បែបបទពាក្យខ្មែរហាក់នៅថ្មី
ក-ខ-គ-ឃ ឈរ ភក្តី ពេលនេះបាត់ស្រីទៅណាហើយ។ឈុំឆារមុខវត្តចាប់ផ្តើមលាស់ តែគ្មានសម្រាស់ព្រោះ ត្រាណត្រើយ
មួយឆ្នាំពីរឆ្នាំនឹកឥតស្បើយ តើទៅណាហើយស្នេហ៍មាសបង។
ជញ្ជាំងក្នុងថ្នាក់ស្រីធ្លាប់ផ្អែក វាស្រក់ទឹកភ្នេក នឹកនួនល្អង
ម្លប់ជ្រៃមុខថ្នាក់ យើងសាសង វាស្រែកសួរបងស្រីទៅណា?
ឱ្យឆ្លើយដូចម្តេចបើមិនដឹង កែវស្រស់ព្រលឹងបាត់ភក្រ្តាមិនមានចម្លើយឆ្លើយថាលា ដោយឥតសន្យា ជួបជាថ្មី។
ប្រាំឆ្នាំចាំអូនទ្រូងទន្ទេញ ថ្ងៃណាវិលវិញបានជួបស្រី
រំលឹករឿងចាស់សងសម្តី ភ្ជាប់រឿងចាស់ថ្មីស្រីនិងបង។ថាដួងចិត្តនេះនឹកអូនពិត ផ្សងស្នេហ៍បរិសុទ្ធឥតសៅហ្មង
ក្តារខៀននៅស្មោះចាំនួនល្អង ត្អូញត្អែរប្រាប់បងថានឹកស្រី។
ដោយៈគឹមសុខា ពាមបួន-កូនក្អែក,២២មេសា២០១១)
No comments:
Post a Comment