ពាមបួនដួងចិត្ត

ពាមបួនដួងចិត្ត

រូបខ្ញុំបានឃ្លាតពីស្រុកកំណើត      ទីឋានល្អឆើតពោរពេញស្រែស្រូវ

ឃ្លាតពូមិងមាយាយតាម៉ែឪ          ឃ្លាតស្រស់ស្រីពៅម្ចាស់បេះដូងខ្ញុំ។

ពេលនេះឃ្លាតឆ្ងាយអាល័យម្ចាស់ស្នេហ៍ នឹកអ្វីម្លេះទេពាមបួនឧត្តម

ដែលមានរុក្ខជាតិស្រស់មនោរម្យ ទីឋានសុខុមខ្ញុំធំពេញវ័យ។

ស្រណោះសម្លេងព្រះសង្ឃសូធ្យធម៍ សារស័ព្ទបវរពេញដោយអត្ថន័យ

នារដូវភ្ជុំបុណ្យប្រពៃណី                មនុស្សផងគ្រប់វ័យគោរពបូជា។

អាល័យម្លប់ជ្រៃដុះចុងភូមិ             ក្មេងៗចោមរោមសប្បាយអស្ចារ្យ

នារដូវភ្លៀងនៃខែវស្សា                 ស្រែកលេងខ្ញៀវខ្ញាពួកកុមារវ័យ។

ពាមបួនដួងចិត្តខ្ញុំនឹកអ្នកណាស់     អនុស្សាចាស់ហាក់នៅថ្មីៗ

ឱលោកសច្ចំ ជួយធ្វើសាក្សី          កុលាបលាស់ថ្មីជួយថែរក្សា។

ចងចាំជានិច្ចលាកទុក្ខក្នុងចិត្ត       ស្នេហ៍ខ្ញុំស្មោះពិតស្រុកស្រែចម្ការ

វាលស្រែបឹងព្រែកកូនក្អែកស្រស់ថ្លា ពាមបួនស្នេហាពាមបួនដួងចិត្ត។
ដោយៈគឹមសុខា ទីក្រុងឃ្លាំង.៣១/០១/០៧