មិត្តល្អនៃខ្ញុំ
(ពាក្យ៨)
មិត្តល្អជានិច្ចគឺប៊ិចសៀវភៅ
មិត្តជួយតម្រូវប្រាប់ផ្លូវវិជ្ជា
មិត្តជួយតម្រូវប្រាប់ផ្លូវវិជ្ជា
មិត្តជួយកើតកើនចម្រើនបញ្ញា
ជួយយើងភ្លឺថ្លាប្រាជ្ញាវាងវៃ។
ជួយយើងភ្លឺថ្លាប្រាជ្ញាវាងវៃ។
មិត្តល្អជានិច្ចគឺប៊ិចសៀវភៅ
មិត្តស្និទ្ធស្ថិតនៅតម្រូវដឹកដៃ
មិត្តស្និទ្ធស្ថិតនៅតម្រូវដឹកដៃ
អោយយើងដើរត្រូវតាមផ្លូវវិន័យ ខុសត្រូវម្តេចក្តីមិត្តអ្នកប្រាយប្រាប់។
មិត្តល្អជានិច្ចគឺប៊ិចសៀវភៅ
មិត្តស្តីប្រដៅយើងត្រូវរៀនស្តាប់
មិត្តស្តីប្រដៅយើងត្រូវរៀនស្តាប់
រៀនអានសរសេររិះរេតាមច្បាប់
ហៅល្អចំណាប់មិនអាប់ស្មារតី។
ហៅល្អចំណាប់មិនអាប់ស្មារតី។
មិត្តល្អជានិច្ចគឺប៊ិចសៀវភៅ
កំចាត់ល្ងង់ខ្លៅចោរខ្មាំងអប្រិយ
កំចាត់ល្ងង់ខ្លៅចោរខ្មាំងអប្រិយ
សៀវភៅអាចប្រាប់សារស័ព្ទសេចក្តី ឲ្យយើងយល់ន័យពីក្តីល្ងិតល្ងង់។
មិត្តល្អជានិច្ចគឺប៊ិចសៀវភៅ
មិត្តដ៏ត្រឹមត្រូវរង់ចាំស្រោចស្រង់
ឃើញយើងធ្វើខុសមិត្តមិនបង្អង់
មិត្តជួយតម្រង់តាមប្លង់បណ្ឌិត។
មិត្តដ៏ត្រឹមត្រូវរង់ចាំស្រោចស្រង់
ឃើញយើងធ្វើខុសមិត្តមិនបង្អង់
មិត្តជួយតម្រង់តាមប្លង់បណ្ឌិត។
មិត្តល្អជានិច្ចកុំភ្លេចឲ្យសោះ
សៀវភៅប៊ិចនោះជាមិត្តពិតៗ
សៀវភៅប៊ិចនោះជាមិត្តពិតៗ
ហេតុនេះកូនខ្មែរត្រូវតែរិះគិត
គប្បីគប់មិត្តជិតស្និទ្ធចិត្តល្អ៕
គប្បីគប់មិត្តជិតស្និទ្ធចិត្តល្អ៕
ដោយៈ សោភប្បញ្ញោ-សម្បូណ៌រិទ្ធ
(ពាមបួន ថ្ងៃ១២/មិថុនា/២០១១)
No comments:
Post a Comment