បះសេ្នហ៍ចុងស្រល់
(ដោយ៖គឹមសុខា)
ប្រវត្តិស្នេហ៍កម្មបណ្តាំលោកិយ៍ រឿងសេ្នហ៍អប្រីយ៍កាកីតម្រាប់
បងស្រក់ទឹកភ្នេកបេះដូងឈឺចាប់ បះស្នេហ៍តម្រាប់រឿងនាងកាកី។
អូនចោលចំការស្រែប្រែមកនៅក្រុង ស៊ីវិល័យអូនលង់នៅទឹកដីថ្មី
ភ្លេចស្រែចម្ការស្នេហាភក្តី រត់តាមប្រុសថ្មីមិនខ្ចីមើលបង។
បងកាត់ពីស្រែលើងមកទីក្រុង បំណងបំរុងជួបស្រស់ស្នេហ៍ស្នង
ដីក្រុងដីថ្មីហ្ឬទ័យហ្មួរហ្មង អួនភ្លេចក្តាមខ្យងបងត្រូវទឹកភ្នេក។
ប៉ាកកាកវីស្តីរឿងស្នេហ៍កម្ម ចារចងបណ្តាំទុកជាចំណែក
ស្នេហាយុវវ័យប្រែប្រួលអនែក ប្រុសស្រក់ទឹកភ្នេកព្រោះរឿងស្នេហា។
ប្រវត្តិស្នេហ៍កម្មចងចាំជានិច្ច មិនអាចបំភ្លេចវិចខ្ចប់ចិន្តា
កាកីផិតក្បត់ព្រោះល្មូបទណ្ហា អូនក្បត់សេ្នហាដុល្លាបាំងភ្នេក។
ក្រុងព្រៃនគរ៣០.១២.២០១១
No comments:
Post a Comment